උතුරු සිඩ්නි තරගය වර්ෂාවෙන් අවලංගු වෙයි; ඕස්ට්‍රේලියාවට T20I තරගාවලිය 2-0ක් ලෙස

තීරණයක් නැත: නවසීලන්තය 11 for 2 (ෂාප් 4*, එම් කෙයර් 4, ගාත් 1-1, මොලිනියු 1-10) එදිරිව ඕස්ට්‍රේලියාව

උතුරු සිඩ්නියේ නොනවතින වර්ෂාව හේතුවෙන් පන්දුවාර 2.4ක් පමණක් යැවුණු අතර, ඕස්ට්‍රේලියාව සහ නවසීලන්තය අතර තුන්වැනි සහ අවසන් T20I තරගය වර්ෂාවෙන් අවලංගු විය.

මුළුමනින්ම උතුරු සිඩ්නි ඕවල් ක්‍රීඩාංගණයේ පැවති එම තරගාවලියේ පළමු තරගය කඩුලු දෙකකින් ජයගත් ඕස්ට්‍රේලියාව, දෙවැනි තරගය ලකුණු 40කින් ජයගනිමින් මේ වන විටත් රෝස් බෝල් කුසලානය තමන් සතු කරගෙන තිබිණි. මාර්තු මාසයේ එක්දින තරගාවලියක් සඳහා මෙම පිල් නැවත එකට ගැටෙනු ඇත.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

නියමිත වේලාවට පැයකට වැඩි කාලයක් ගත වී තරගය ආරම්භ වූ අතර, පිලකට පන්දුවාර 14ක් ලෙස කෙටි කරන ලද එම තරගයේ කාසියේ වාසිය දිනා ගත් ඕස්ට්‍රේලියානු නායිකා සොෆී මොලිනියු තෝරා ගත්තේ පළමුව පන්දු යැවීමයි. එහෙත් මද වේලාවකින් නැවත ඇද හැලුණු තද වැස්ස අඩු නොවූ හෙයින් තරගය අත්හිටුවන ලදී.

T20 ලෝක කුසලානයෙන් පසු දෙපිලම මෙම ආකෘතියට නැවත පිවිසි, බොහෝ දුරට තරගකාරී වූ තරගාවලියකට ලැබුණේ නීරස අවසානයකි.

දෙපිලම වෙනසක් නොකළ කණ්ඩායම් නම් කළ නමුත්, දෙවැනි තරගයේදී ලකුණු 127/8ක් පමණක් රැස් කර ඉලක්කය හඹා යාමේදී බොහෝ පසුබෑමකට ලක් වූ නවසීලන්තය තම පිතිකරණ අනුපිළිවෙල වෙනස් කළේය.

නායිකා මෙලී කෙයර් 3 වැනි ස්ථානයේ සිට ආරම්භක පිතිකාරිනිය ලෙස ඉහළට පැමිණි අතර, ඇය වෙනුවට ෆ්ලෝරා ඩෙවොන්ෂයර් හය වැනි ස්ථානයට පහළට ගියාය. ප්‍රබල පහර දෙන ඉසී ෂාප් පස් වැනි ස්ථානයේ සිට 3 වැනි ස්ථානයට පැමිණියාය.

ඉනිමේ අටවැනි පන්දුව දක්වා කෙයර්ට පහර දීමේ අවස්ථාව නොලැබුණු නමුත්, මොලිනියුගේ පළමු පන්දුව කවර් කඩවා හතරේ පහරක් ලෙස එළවා ගනිමින් ඇය ඉදිරියට යාමට උත්සුක වූවාය. එහෙත් ඊළඟ පන්දුව ඉහළට එසෙව්ව කෙයර් මිඩ්-ඔන් ප්‍රදේශයේ දැවී ගිය අතර, එය මොලිනියු තම ජීවිත කාලය තුළ පළමු පන්දුවාරයේදී දවා ගත් 20 වැනි කඩුල්ල විය.

මන්දගාමී පන්දු කිහිපයක් යැවීමෙන් අනතුරුව වේගයෙන් එවූ පන්දුවකින් ආරම්භක පිතිකාරිනිය ජෝජියා ප්ලිමර්ගේ කඩුලු සෙලවූ වේග පන්දු යවන්නිය කිම් ගාත් ඇයට උපක්‍රමිකව පහර දුන්නාය. එහෙත් අනතුරුව ක්‍රීඩාංගණයට ඇද හැලුණු තද වැස්ස තරගාවලිය කණගාටුදායක අවසානයකට ගෙන ආවේය.

බෙහෙත් වට්ටෝරුවක් මගින් ලබා දෙන ඖෂධ භාවිතය සම්බන්ධ දැඩි නීතිරීති පිළිපැදීමට අපොහොසත් වීම හේතුවෙන් ක්‍රිකට් ඕස්ට්‍රේලියාව විසින් තරග දෙකකට තරග තහනමකට ලක් කළ බැවින්, ඕස්ට්‍රේලියානු වේග පන්දු යවන්නිය මේගන් ෂුට් තේරීම් සඳහා නොසැලකුණි

බංග්ලාදේශයට එරෙහි එක්දින තරගාවලියේ දස්කම් දැක්වූ ෂුට්, පළමු තරග දෙක සඳහා නොතෝරා අත්හරින ලද්දීය.