තනීෂා, ප්‍රසාද්, සතීෂ්ගේ අර්ධ ශතක මත පළමු දිනයේ ඉන්දීය A පිල ඉදිරියෙන්

ඉන්දීය A කාන්තා 351 for 9 (තනීෂා 92, ප්‍රසාද් 78*, නොට් 3-82, මිල්ස් 3-94) එ. ඕස්ට්‍රේලියානු A කාන්තා

මොහාලි හිදී ඕස්ට්‍රේලියානු A කාන්තා පිලට එරෙහිව පැවැත්වෙන නිල නොවන දින හතරේ ටෙස්ට් තරගයේ පළමු දිනයේ තනීෂා සිං ලකුණු 92ක්, නිකි ප්‍රසාද් නොදැවී ලකුණු 78ක් සහ ශුභා සතීෂ් ලකුණු 59ක් ලබා දෙමින් ඉන්දීය A කාන්තා පිලට වාසිය ලබා දුන්හ. පන්දුවාර 100කදී කඩුලු 9කට ලකුණු 351ක් ලබා ගනිමින් සත්කාරක පිල පළමු දිනය නිම කළේය.

පළමුව පන්දුවට පහර දෙමින් සතීෂ් හා ප්‍රියා පුනියා පන්දුවාර 27කදී ලකුණු 102ක ආරම්භක සබඳතාවක් ගොඩනඟමින් කදිම පදනමක් දැමූහ. එහෙත් ඕස්ට්‍රේලියානු A පිල කෙටි කලකදී කඩුලු හතරක් දවා ගනිමින් ප්‍රතිප්‍රහාර එල්ල කළ අතර ඉන්දීය A පිල කඩුලු නොදැවී ලකුණු 102 සිට කඩුලු 4කට ලකුණු 120 දක්වා ඇද වැටිණි. පළමුව වේග පන්දු යවන්නිය මේරි ඉලින්ග්වර්ත් ලකුණු 46ක් ලබා සිටි පුනියා කඩුලු රකින්නිය අතට පන්දුව ලබා දීමෙන් දැවීමට සැලැස්වූ අතර, පසුව ඕෆ් ස්පින් පන්දු යවන්නිය ලිලී මිල්ස් ඉක්මන් කඩුලු තුනක් දවා ගනිමින් ඉන්දීය A පිලේ කොඳු නාරටිය බිඳ දැමුවාය.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

පළමුව නායිකා යස්තිකා භාටියා ලකුණු 5කට stumped කරමින් දැවීමට සැලැස්වූ ඇය, පන්දු දෙකකට පසු සතීෂ් lbw ලෙස පිටමං කළාය. ඊළඟ පන්දුවාරයේදී තේජල් හසබ්නිස් දැවීමට සැලැස්වූ අතර සත්කාරක පිල මං මුළා විය.

අනුෂ්කා ෂර්මා සහ තනීෂා එක්ව ඉන්දීය A ඉනිම යළි ගොඩනැඟූහ. පස්වැනි කඩුල්ලට ලකුණු 82ක් එක් කළ අතරතුර අනුෂ්කා ලකුණු 44කට දැවී ගියාය. ඉන්පසු තනීෂා සහ ප්‍රසාද් හයවැනි කඩුල්ලට ලකුණු 111ක් එක් කරමින් ඉදිරි ගමන තව දුරටත් ගෙන ගියහ.

ටෙස් ෆ්ලින්ටොෆ්ට lbw ලෙස දැවී ගිය තනීෂාට ශතකයට ලකුණු අටක් අඩුවෙන් ඉවත් වීමට සිදු වූ අතර, පසුව ලකුණු 13කට කඩුලු 3ක් අහිමි කර ගනිමින් ඉන්දීය A පිල තවත් කුඩා බිඳ වැටීමකට ලක් විය. චාලි නොට් එකම පන්දුවාරයේදී සායලි සත්ගරේ සහ ශබ්නම් ශකීල් දැවීමට සැලැස්වූ අතර පසුව වෛශ්ණවි ෂර්මා ලකුණු 6කට lbw ලෙස පිටමං කළාය. එහෙත් ප්‍රසාද් ඉනිම ඉදිරියට ගෙන යමින් අර්ධ ශතකය සම්පූර්ණ කර, ඉන්දීය A පිලට ලකුණු 350 ඉක්මවා යාමට උදව් කළාය.

ඕස්ට්‍රේලියානු A පිල වෙනුවෙන් මිල්ස් හා නොට් කඩුලු තුන බැගින් දවා ගත් අතර ෆ්ලින්ටොෆ්, ඉලින්ග්වර්ත් සහ ෆ්‍රැන්කි නික්ලින් කඩුල්ල බැගින් දවා ගත්හ.