පාකිස්තානය සමඟ තියුණු සටනක් ජයගත් ශ්‍රී ලංකාව ආසියානු කුසලාන අවසන් මහා තරගයට

අද (සැප්තැම්බර් 11) ඩුබායිහි පැවැති 2026 කාන්තා විස්සයි20 ආසියානු කුසලාන තරගාවලියේ දෙවැනි අවසන් පූර්ව තරගයේදී පාකිස්තානයට එරෙහිව කඩුලු 4ක තියුණු ජයක් ලැබූ ශ්‍රී ලංකාව, ඉරිදා (සැප්තැම්බර් 13) ඉන්දියාව සමඟ පැවැත්වෙන අවසන් මහා තරගයට සුදුසුකම් ලබා ගත්තේය.

කාසියේ වාසිය දිනූ ශ්‍රී ලංකා නායිකා චමරි අතපත්තු පළමුව පන්දු යැවීමට තීරණය කළාය. ශ්‍රී ලංකාව තරගයට එක්වූයේ අවසන් ක්‍රීඩිකාවන් 11 දෙනා අතර වෙනස්කම් දෙකක් සිදු කරමිනි. විශ්මි ගුණරත්න සහ චේතනා විමුක්ති වෙනුවට හසිනි පෙරේරා සහ මිතාලි අයෝධ්‍යා කණ්ඩායමට කැඳවා තිබිණි.

පාකිස්තානය නියමිත පන්දුවාර 20 තුළ කඩුලු 5ක් දැවී ලකුණු 130ක් රැස් කළේය. ඉනිමේ වැඩිම ලකුණුලාභිනිය වූ නායිකා ෆාතිමා සානා පන්දු 36කදී හතරේ පහර 4ක් සහ හයේ පහර 2ක් සමඟ නොදැවී ලකුණු 47ක් ලබා ගත්තාය.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

ශ්‍රී ලංකාව වෙනුවෙන් පන්දු යැවීමේදී පෙරමුණ ගත් පිට දඟපන්දු යවන අතපත්තු සහ වමත් දඟපන්දු යවන චමෝදි ප්‍රබෝදා කඩුලු දෙක බැගින් දවා ගනිමින් පාකිස්තාන ඉනිම තරගකාරී ලකුණු සංඛ්‍යාවකට සීමා කළහ.

ලකුණු හඹා යෑමේදී ශ්‍රී ලංකාවට දැඩි සටනක නිරත වීමට සිදු වූ අතර, පන්දු 8ක් ඉතිරිව තිබියදී ඉලක්කය සපුරා ගන්නා විට කඩුලු 6ක් දැවී තිබිණි. හර්ෂිතා සමරවික්‍රම තීරණාත්මක ලකුණු 36ක් රැස් කළ අතර, කවීෂා දිල්හාරි අගනා ලකුණු 33ක් එක් කරමින් ශ්‍රී ලංකාව ජයග්‍රහණය කරා රැගෙන ගියාය.

පන්දුවෙන්ද පාකිස්තානය වෙනුවෙන් කැපී පෙනුණු ෆාතිමා සානා ලකුණු 38කට කඩුලු 4ක් දවා ගත්තාය. එහෙත් අවසන් අදියරේදී සංයමය රැකගත් ශ්‍රී ලංකාව අමතක නොවන ජයක් තහවුරු කළේය.

කෙටි ලකුණු සටහන

පාකිස්තානය – 130/5 (20) ෆාතිමා සානා 47*, ෂවාල් සුල්ෆිකාර් 24, චමරි අතපත්තු 2/24, චමෝදි ප්‍රබෝදා 2/25

ශ්‍රී ලංකාව – 134/6 (18.4) හර්ෂිතා සමරවික්‍රම 36, කවීෂා දිල්හාරි 33, ඉමේෂා දුලානි 24, ෆාතිමා සානා 4/38

ප්‍රතිඵලය – ශ්‍රී ලංකාවට කඩුලු 4ක ජයක්