ශ්‍රී ලංකා ක්‍රිකට් ආයතනය U13 ක්‍රිකට් ක්‍රීඩා කරන පාසල් 900කට ක්‍රිකට් පන්දු බෙදාහැරීම අරඹයි

ශ්‍රී ලංකා පාසල් ක්‍රිකට් සංගමය (SLSCA) සමඟ එක්ව ශ්‍රී ලංකා ක්‍රිකට් ආයතනය (SLC), 2026 වයස අවුරුදු 13න් පහළ පාසල් ක්‍රිකට් තරගාවලියට සහභාගී වන පාසල් 900කට ආසන්න සංඛ්‍යාවකට ක්‍රිකට් පන්දු බෙදාහැරීම ආරම්භ කළේය.

සමාරම්භක බෙදාහැරීමේ වැඩසටහන පසුගියදා ක්‍රීඩා හා යෞවන කටයුතු අමාත්‍යාංශයේ ඩන්කන් වයිට් ශ්‍රවණාගාරයේදී පැවැති අතර, එහිදී තරගාවලියේ I වැනි කොටසට සහභාගී වන පාසල් 81කට සහ II වැනි කොටසට සහභාගී වන පාසල් 84කට ක්‍රිකට් පන්දු බෙදා දෙන ලදී.

වයස අවුරුදු 13න් පහළ I වැනි සහ II වැනි කොටස් තරගාවලි සඳහා සහභාගී වන පාසල් නියෝජනය කරමින් විදුහල්පතිවරුන්, පාසල් නියෝජිතයන්, පුහුණුකරුවන්, ක්‍රීඩා භාර ගුරුවරුන් සහ අනෙකුත් නිලධාරීන් ඇතුළු 300කට ආසන්න පිරිසක් මෙම වැඩසටහනට සහභාගී වූහ.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

වැඩසටහන අතරතුරදී 2026 වයස අවුරුදු 13න් පහළ පාසල් ක්‍රිකට් තරගාවලියට අදාළ තරග කොන්දේසි මෙන්ම නව නීති සහ රෙගුලාසි පිළිබඳව ද සහභාගී වූවන් දැනුවත් කෙරිණි. දිවයින පුරා සහභාගී වන පාසල්වලට තරගාවලියේ තරග කොන්දේසි, නීති සහ රෙගුලාසි පිළිබඳ අත්‍යවශ්‍ය තොරතුරු ලබාදෙමින් පාසල් ක්‍රිකට් තරග සංවිධානය සහ පැවැත්වීම ඒකාකාරී කිරීම මෙම දැනුවත් කිරීමේ අරමුණ විය.

ඉදිරියේදී පැවැත්වෙන වයස අවුරුදු 13න් පහළ පාසල් ක්‍රිකට් තරගාවලියේ I, II සහ III වැනි කොටස් සඳහා සහභාගී වීමට පාසල් 900කට ආසන්න සංඛ්‍යාවක් ලියාපදිංචි වී ඇත. මෙම වැඩසටහන යටතේ සහභාගී වන සියලුම පාසල්වලට අවශ්‍ය ක්‍රිකට් පන්දු ලබාදෙන අතර, තරගාවලියට අදාළ නව තරග කොන්දේසි, නීති සහ රෙගුලාසි පිළිබඳව ද ඔවුන් දැනුවත් කෙරේ.

ගමන් වියදම් දීමනා බෙදාහැරීම

මේ අතර, වයස අවුරුදු 19න් පහළ බාලිකා I වැනි කොටසේ තරගාවලියට සහභාගී වන බාලිකා පාසල් 13කට ශ්‍රී ලංකා ක්‍රිකට් ආයතනය රු. 250,000 බැගින් ගමන් වියදම් දීමනා ද ලබා දුන්නේය. බාලිකා පාසල් ක්‍රිකට් ක්‍රීඩාවට තවදුරටත් සහාය දීමට සහ එය ප්‍රවර්ධනය කිරීමට දිරිගැන්වීමක් ලෙස මෙම මූල්‍ය ආධාරය ලබා දෙන ලදී.

ශ්‍රී ලංකා ක්‍රිකට් ආයතනයේ ක්‍රිකට් කමිටු සභාපති සිදත් වෙත්තමුණි මහතා; අධ්‍යාපන අමාත්‍යාංශයේ නියෝජ්‍ය අධ්‍යාපන අධ්‍යක්ෂ ප්‍රභාත් ඉන්දික මහතා; ශ්‍රී ලංකා ක්‍රිකට් ආයතනයේ ජාතික ක්‍රිකට් මෙහෙයුම් ප්‍රධානී චින්තක එදිරිමාන්න මහතා; ශ්‍රී ලංකා පාසල් ක්‍රිකට් සංගමයේ සභාපති සුසන්ත මෙන්ඩිස් මහතා; ශ්‍රී ලංකා ක්‍රිකට් ඉහළ කාර්යසාධන මධ්‍යස්ථානයේ ජ්‍යෙෂ්ඨ කළමනාකරු රුවන් කල්පගේ මහතා; ශ්‍රී ලංකා ක්‍රිකට් ආයතනයේ පුහුණුකරු අධ්‍යාපන ඒකකයේ ප්‍රධානී හේෂාන් ද මෙල් මහතා සහ ශ්‍රී ලංකා ක්‍රිකට් ආයතනයේ හා ශ්‍රී ලංකා පාසල් ක්‍රිකට් සංගමයේ අනෙකුත් නිලධාරීහු මෙම වැඩසටහනට සහභාගී වූහ.