පෙබරවාරි 26 සිට මාර්තු 21 දක්වා ලෝක කුසලාන සුදුසුකම් තරගාවලිය දකුණු අප්‍රිකාව සහ නැමීබියාව එක්ව සංවිධාන කරයි

2027 ලෝක කුසලාන සුදුසුකම් තරගාවලිය පෙබරවාරි 26 සිට මාර්තු 21 දක්වා පැවැත්වීමට නියමිත අතර, එය දකුණු අප්‍රිකාව සහ නැමීබියාව එක්ව සංවිධාන කිරීමට සැලසුම් කර ඇත. බටහිර ඉන්දීය කොදෙව් ද ඇතුළත් වන කණ්ඩායම් 10කගේ මෙම තරගාවලිය SA20 තරගාවලියෙන් පසුව හා IPL තරගාවලියට පෙර කාල පරාසය තුළ පැවැත්වෙන බැවින්, බටහිර ඉන්දීය කොදෙව් පිලට තම හොඳම ක්‍රීඩකයන්ගේ සේවය ලබා ගැනීමේ හැකියාව ලැබෙනු ඇත.

සැප්තැම්බර් 30 වැනිදා වන විට පැවති ICC එක්දින ශ්‍රේණිගත කිරීම්වලට අනුව, මෙම සුදුසුකම් තරගාවලියට සහභාගී වන අනෙක් පූර්ණ සාමාජික රාජ්‍යය වන්නේ අයර්ලන්තයයි.

මෙම තරගාවලිය පෙබරවාරි 22 සිට මාර්තු 23 දක්වා පැවැත්වෙන බව මේ වසර මුලදී ICC විසින් සහභාගී විය හැකි කණ්ඩායම්වලට දැනුම් දී තිබුණ ද, සංශෝධිත දිනයන් ගිය සතියේ ඩුබායිහි පැවති ICC රැස්වීම්වලදී තහවුරු කරන ලදී. එහිදී තරග පැවැත්වෙන ක්‍රීඩාංගන ප්‍රකාශයට පත් නොකළ ද, සාකච්ඡාවලට සම්බන්ධ වූ නිලධාරීන් කිහිප දෙනෙක් Cricinfo වෙත පැවසුවේ සත්කාරකත්වය සඳහා දකුණු අප්‍රිකාව සහ නැමීබියාව ICC විසින් අවසන් වශයෙන් තෝරා ගෙන ඇති බවයි.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

SA20 තරගාවලිය එන වසරේ ජනවාරි 17 ආරම්භ වී පෙබරවාරි 21 වැනිදා අවසන් වන අතර, IPL තරගාවලිය මාර්තු අවසානයේ ආරම්භ වීමට ඉඩ ඇත. එහෙත් 2024 වර්ෂයේ ත්‍රාන්චයි කණ්ඩායම් සමඟ බෙදා ගත් කාල පරාසයට අනුව 2027 වාරය මාර්තු 14 සහ මැයි 30 අතර පැවැත්වීමට නියමිතව තිබුණි.

සම සත්කාරක දකුණු අප්‍රිකාව සහ සිම්බාබ්වේ ලෝක කුසලානය සඳහා ස්වයංක්‍රීය සුදුසුකම් ලබා ඇති අතර, ශ්‍රේණිගත කිරීම්වල ඊළඟ කණ්ඩායම් අටට ද එම සුදුසුකම ලැබී ඇත. ඉන්දියාව, නවසීලන්තය, පාකිස්තානය, ඕස්ට්‍රේලියාව, එංගලන්තය, ශ්‍රී ලංකාව, ඇෆ්ගනිස්ථානය සහ බංග්ලාදේශය එයට ඇතුළත් වේ. ඉතිරි කණ්ඩායම් හතර කණ්ඩායම් 10කගේ සුදුසුකම් තරගාවලියෙන් තීරණය වන අතර, එහි ජයග්‍රාහකයා ලෝක කුසලානයේ කණ්ඩායම් අවධියට සෘජුවම පිවිසෙනු ඇත. ඉතිරි කණ්ඩායම් තුන තරගාවලිය ආරම්භ කරමින් තරග තුනකින් සමන්විත සුපිරි තරගාවලියකට එක් වනු ඇත. නැමීබියාවේ පැවැත්වෙන එම සුපිරි තරගාවලියේ ජයග්‍රාහකයා ප්‍රධාන කණ්ඩායම් අවධියට පිවිසෙනු ඇත.

ලෝක ක්‍රිකට් ලීග් දෙවැනි කාණ්ඩයේ (WCL 2) ප්‍රමුඖ කණ්ඩායම් හතර ද සුදුසුකම් තරගාවලියට ඇතුළත් වේ. දැනට ඒවා වන්නේ ස්කොට්ලන්තය, ඇමරිකා එක්සත් ජනපදය, නෙදර්ලන්තය සහ ඕමානයයි. තවද, ප්‍රකාශයට පත් නොකළ ක්‍රීඩාංගනයක දී දෙසැම්බර් 1-22 දක්වා පැවැත්වීමට නියමිත ලෝක කුසලාන සුදුසුකම් ප්ලේ ඕෆ් තරගාවලියෙන් ඉදිරියට එන කණ්ඩායම් හතරක් ද එයට එක් වේ.

ප්ලේ ඕෆ් තරගාවලියට WCL 2 හි පහළ කණ්ඩායම් හතර – දැනට නැමීබියාව, කැනඩාව, නේපාලය සහ එක්සත් අරාබි එමීර් රාජ්‍යය – සහ චැලන්ජ් ලීගයේ ප්‍රමුඛ කණ්ඩායම් හතර ඇතුළත් වේ. දැනට තත්ත්වය අනුව ඒවා වන්නේ ඉතාලිය, උගන්ඩාව, ජර්සි සහ කුවේටයයි.

තරගාවලියේ සම සත්කාරකත්වය දරන නැමීබියාවට ප්ලේ ඕෆ් තරගාවලියට යාමකින් තොරව ද සුදුසුකම් තරගාවලියට පිවිසීමේ හැකියාව තවමත් ඇත. ඒ සඳහා ඔක්තෝබර් 3 වැනිදා ආරම්භ වන ඇමරිකා එක්සත් ජනපදය සහ එක්සත් අරාබි එමීර් රාජ්‍යය සමඟ තරග දෙක බැගින් ජය ගත යුතු අතර, ඕමානය, නේපාලය සහ කැනඩාව අතර තරග ප්‍රතිඵල ද තමන්ට හිතකර ලෙස පැමිණීම මත විශ්වාසය තැබිය යුතුව ඇත.