ශෙඩ්ගේ සහ ගුර්ජප්නීත් ඉන්දීය A පිලට සැනසිලිදායක ජයක් ලබා දෙයි

ඉන්දීය A 275 (ශෙඩ්ගේ 66, ආර්යා 49, නිගම් 40, ඩ්වාර්ෂුයිස් 3-38, සදර්ලන්ඩ් 3-44), ඕස්ට්‍රේලියානු A 226 (ෆිලිප් 56, මැක්ස්වීනි 39, ගුර්ජප්නීත් 3-56) ලකුණු 49කින් පරාජය කළේය

සූර්යාන්ෂ් ශෙඩ්ගේගේ අර්ධ ශතකය සහ ඉන්පසු ගුර්ජප්නීත් සිං දවා ගත් කඩුලු තුන නිසා, තරගාවලියේ පළමු තරග දෙකම පරාජයට පත් වූ ඉන්දීය A පිලට තුන්වැනි එක්දින තරගයේදී ඕස්ට්‍රේලියානු A පිල ලකුණු 49කින් පරාජය කර සැනසිලිදායක ජයක් ලබා ගැනීමට හැකි විය. තරගාවලිය ඕස්ට්‍රේලියානු A පිල 2-1 ලෙස දිනා ගත්තේය.

පළමුව පන්දුවට පහර දීමට ආරාධනා ලැබීමෙන් අනතුරුව, IPL තරගාවලියේ පන්ජාබ් කිංග්ස් පිල වෙනුවෙන් ද එක්ව ඉනිම ආරම්භ කරන ඉන්දීය A පිලේ නව ආරම්භක පිතිකරුවන් වූ ප්‍රියාන්ෂ් ආර්යා සහ ප්‍රභ්සිම්රන් සිං ආරම්භය කුළු ගැන්වූහ. ඉනිමේ මුදුනේ බී. සායි සුදර්ශන් සහ දේවදත් පඩික්කල් වෙනුවට පැමිණි මේ දෙදෙනා පළමු පන්දුවාර දහයේදී ලකුණු 82ක් රැස් කළහ. එහෙත් දෙවැනි වෙනස්කම ලෙස පන්දු යැවීමට පැමිණි ලියම් ස්කොට්, පළමු පවර්ප්ලේ අවසානයේදී පන්දු 34කින් ලකුණු 39ක් ලබා සිටි ප්‍රභ්සිම්රන්ගේ කඩුල්ල දවා ගනිමින් ඒ සබඳතාව බිඳ දැමීය.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

තුන්වැනි අනුපිළිවෙලේ පිතිකරණයට පැමිණි පඩික්කල් වැඩි කලක් රැඳුණේ නැත. එහෙත් ආර්යා තම ආධිපත්‍යය තව දුරටත් පැවැත්වීය. නමුත් බෙන් ඩ්වාර්ෂුයිස්ගේ පන්දුවක පිටුපසට කැටයක් ලබා දීමත් සමඟ ඔහු අර්ධ ශතකයට ලකුණක් අඩුවෙන් දැවී ගියේය. මුළු තරගාවලිය පුරාම ඉන්දීය A පිලේ පිතිකරණය තෘප්තිමත් මට්ටමක නොවූ අතර, මේ දිනයේ ද ඔවුන් කඩුලු 2ට ලකුණු 106 සිට කඩුලු 6ට ලකුණු 159 දක්වා පහත වැටුණහ.

එහෙත් කරක් දඟ පන්දු යවන තුන් ඉරියව් ක්‍රීඩක විප්‍රාජ් නිගම්ගේ සහාය ඇතිව ශෙඩ්ගේ පිල යළි ගොඩ නැංවීය. පන්දු 47කින් අර්ධ ශතකයක් ලබා ගත් ශෙඩ්ගේ සමඟ මේ දෙදෙනා හත්වැනි කඩුල්ලට ලකුණු 85ක් එක් කළහ. පන්දු 60කින් ලබා ගත් ලකුණු 66 තුළ ඔහු හතරේ පහර හතක් සහ හයේ පහර දෙකක් වසා ගත්තේය. නිගම් විල් සදර්ලන්ඩ්ට දැවී යාමට පෙර පන්දු 44කින් ලකුණු 40ක් රැස් කළේය. මේ දෙදෙනාගේ දායකත්වය නිසා ඉන්දීය පිලට ලකුණු 275ක් රැස් කර ගැනීමට හැකි විය.

ආරම්භක පිතිකරුවන් වූ ජොෂ් ෆිලිප් සහ ස්කොට් ප්‍රහාරාත්මකව ක්‍රීඩා කරමින් ඕස්ට්‍රේලියානු A පිල නිවැරදි මඟේ ගමන් කරන බවක් පෙනුණි. ඔවුන් පළමු පන්දුවාර දහයේදී ලකුණු 61ක් රැස් කළ අතර, නිගම් ලකුණු 56ක් ලබා සිටි ෆිලිප්ව lbw ලෙස දැවීමට පෙර ලකුණු 82ක් එක්ව එක් කළහ. ඊළඟ පන්දුවාරයේදී නිෂාන්ත් සින්ධු, ස්කොට්ගේ කැටයක් කඩුලු පිටුපසට ලබා දීමට සැලැස්වීය. එහෙත් ලැච්ලන් ෂෝ සහ නේතන් මැක්ස්වීනි රැඳී සිටිමින් ඕස්ට්‍රේලියානු A පිල නිවැරදි මඟේ තබා ගත්හ.

අනතුරුව ගුර්ජප්නීත් සිං, තරගාවලියේ වැඩිම ලකුණු රැස් කළ මැක්ස්වීනිගේ කැටයක් ප්‍රභ්සිම්රන් වෙනුවට ආදේශකයා ලෙස පිටියට පැමිණි කුමාර් කුෂග්‍රාට කඩුලු පිටුපසට ලබා දීමට සැලැස්වීම ඕස්ට්‍රේලියානු A පිලේ කඩා වැටීමට හේතු විය. ඉලක්කගත ලකුණු අනුපාතය නිරතුරුව ඉහළ යන අතරතුර සංචාරක පිල එතැන් සිට ලකුණු 49කට කඩුලු 7ක් අහිමි කර ගනිමින් ලකුණු 226කට සියලු දෙනා දැවී ගියහ. ගුර්ජප්නීත් කඩුලු තුනක් දවා ගත් අතර සින්ධු සහ යෂ් තාකූර් ද දායකත්වයක් සැපයූහ.

පිතියෙන් පිල ගොඩ නැංවීම සහ ෆිලිප්ගේ තීරණාත්මක කඩුල්ල දවා ගැනීම නිසා නිගම් තරගයේ වීරයා ලෙස තේරී පත් වූ අතර, මැක්ස්වීනි තරගාවලියේ වීරයා ලෙස නම් කෙරුණි.