2027 ICC U19 කාන්තා T20 ලෝක කුසලානයේ තරග කාලසටහන එළිදකියි

2027 ICC U19 කාන්තා T20 ලෝක කුසලානය ජනවාරි 21 වැනිදා බංග්ලාදේශයේ සහ නේපාලයේ ආරම්භ වන අතර, ශූරතාව සඳහා කණ්ඩායම් 16ක් තරග වදියි.

2023 වර්ෂයේ ප්‍රථම වතාවට පැවැත්වුණු මෙම තරගාවලියේ තෙවැනි වාරයේදී කණ්ඩායම් හතරකින් යුත් කණ්ඩායම් කාණ්ඩ හතරක් දක්නට ලැබෙන අතර, එම රටවල් දෙකේ ක්‍රීඩාංගණ හතරක් තුළ තරග 41ක් පැවැත්වීමට කාලසටහන් ගත කර ඇත.

ඒවා නම්, චත්තග්‍රාමයේ බීර් ශ්‍රේෂ්ඨ ශහීද් ෆ්ලයිට් ලුතිනන් මතියූර් රහ්මාන් ක්‍රිකට් ක්‍රීඩාංගණය (BSSFLMRCS), සිල්හෙට්හි සිල්හෙට් ජාත්‍යන්තර ක්‍රිකට් ක්‍රීඩාංගණය (SICS), කත්මණ්ඩුවේ TU ජාත්‍යන්තර ක්‍රිකට් ක්‍රීඩාංගණය සහ අපර් මුල්පානි ජාත්‍යන්තර ක්‍රිකට් ක්‍රීඩාංගණයයි.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

කණ්ඩායම් කාණ්ඩ හතර පහත පරිදි වේ:

A කාණ්ඩය: ඉන්දියාව, අයර්ලන්තය, බටහිර ඉන්දීය කොදෙව්, නේපාලය

B කාණ්ඩය: දකුණු අප්‍රිකාව, නවසීලන්තය, පාකිස්තානය, සැමෝවා

C කාණ්ඩය: ඕස්ට්‍රේලියාව, බංග්ලාදේශය, නයිජීරියාව, එක්සත් අරාබි එමීර් රාජ්‍යය (UAE)

D කාණ්ඩය: එංගලන්තය, ශ්‍රී ලංකාව, ඇමරිකා එක්සත් ජනපදය (USA), ස්කොට්ලන්තය

තරගාවලියේ පළමු දිනයේදී තරග හතරකට කණ්ඩායම් අටක් එක්වන අතර, සම-සත්කාරක බංග්ලාදේශය UAE සමග තරග වැදීමද එයට ඇතුළත් වේ.

අනෙක් අතට නේපාලය තම තරගාවලිය ආරම්භ කරන්නේ ඊළඟ දින අයර්ලන්තයට එරෙහිවය. මේ අතර, වත්මන් ශූරයන් වන ඉන්දියාව තම පළමු තරගයේදී බටහිර ඉන්දීය කොදෙව් හමුවේ ක්‍රීඩා කරනු ඇත.

කාන්තා U19 T20 ලෝක කුසලානය කාන්තා ක්‍රිකට් තුළ වර්ධනය වන ශක්තිය ලොවට පෙන්වීමට ලැබෙන අවස්ථාවක් බව ICC ප්‍රධාන විධායක නිලධාරී සන්ජෝග් ගුප්තා විශ්වාස කරයි.

“ICC U19 කාන්තා T20 ලෝක කුසලානය කාන්තා ක්‍රිකට්හි දියුණුවට වැදගත් කාර්යභාරයක් ඉටු කරනවා. තරුණ ක්‍රීඩිකාවන්ට තමන්ගේ වයස් කාණ්ඩය තුළ ඉහළම මට්ටමේ තරග වදින්නත්, ගෝලීය වේදිකාවේ අත්දැකීම් ලබන්නත් එයින් අවස්ථාව ලැබෙනවා,” යැයි ඔහු පැවසීය.

“බංග්ලාදේශයේ සහ නේපාලයේ කණ්ඩායම් 16ක් එකට ගෙන ඒමෙන්, මේ තරගාවලිය කාන්තා ක්‍රිකට් තුළ වර්ධනය වන දස්කම්වල ගැඹුර ලොවට පෙන්වනවා. ඒ වගේම ස්ථාවර වූ සහ නැගී එන ක්‍රිකට් රටවල ක්‍රීඩිකාවන්ට ජාත්‍යන්තර තරගකාරිත්වය හරහා දියුණු වීමට අවස්ථා නිර්මාණය කරනවා.

“ශක්තිමත් ගෝලීය ක්‍රීඩාවක් ගොඩනැගීමේ සහ ක්‍රිකට් නව ප්‍රේක්ෂකයන් වෙත ගෙන යාමේ වැදගත් කොටසක් මේ තරගාවලි.

“සාර්ථක තරගාවලියක් පවත්වන්න අපේ සත්කාරක රටවල් සමග එක්ව කටයුතු කරන්න අපි බලාපොරොත්තු වෙනවා. තරග කණ්ඩායම් 16ටම ඔවුන්ගේ සූදානම සඳහා සුබ පතනවා,” යැයිද ඔහු පැවසීය.

කණ්ඩායම් කාණ්ඩ වටයේ තරග ජනවාරි 26 වැනිදා දක්වා පැවැත්වෙන අතර, ඉන් පසු සුදුසුකම් ලබන කණ්ඩායම් කාණ්ඩ දෙකකට බෙදී සුපිරි හය වටයට පිවිසෙනු ඇත. එම කාණ්ඩ දෙකේ ඉහළම කණ්ඩායම් දෙක බැගින් අවසන් පූර්ව තරගවලට සුදුසුකම් ලබයි.

අවසන් පූර්ව තරග පෙබරවාරි 4 වැනිදා බීර් ශ්‍රේෂ්ඨ ශහීද් ෆ්ලයිට් ලුතිනන් මතියූර් රහ්මාන් ක්‍රිකට් ක්‍රීඩාංගණයේ පැවැත්වීමට නියමිත අතර, පෙබරවාරි 5 වැනිදා වෙන් කළ දිනයක් ලෙස තහවුරු කර ඇත. අවසන් මහා තරගය පෙබරවාරි 6 වැනිදා දේශීය වේලාවෙන් 13h30ට පැවැත්වෙන අතර, පෙබරවාරි 7 වැනිදා වෙන් කළ දිනය ලෙස තබා ගෙන තිබේ.