නේපාලය 2027 පිරිමි ආසියානු කුසලානයට සුදුසුකම් ලබයි
ජාත්‍යන්තර ක්‍රිකට් කවුන්සිලයපුවත
ආසියානු ක්‍රිකට් පිටියේ ඉදිරි ගමන තවදුරටත් සනිටුහන් කරමින් නේපාලය ලබන වසරේ ආසියානු කුසලානයේ ස්ථානයක් තහවුරු කරගත්තේය. එහිදී ඉන්දියාව, ශ්‍රී ලංකාව සහ පාකිස්තානය වැනි පූර්ණ සාමාජික රටවලට එරෙහිව තරග වැදීමට ඔවුන්ට අවස්ථාව හිමි විය හැකිය.
මෙය නේපාලය ආසියානු කුසලානයට සහභාගි වන දෙවැනි අවස්ථාව වන අතර ඔවුන් මුලින්ම ඊට එක්වූයේ 2023දී ශ්‍රී ලංකාවේදීය.
ක්වාලාලම්පූර්හි බයුමාස් ඕවල් ක්‍රීඩාංගණයේදී එක්සත් අරාබි එමීර් රාජ්‍යයට එරෙහිව පැවැති ACC පිරිමි ප්‍රිමියර් කුසලාන අවසන් මහා තරගයේදී නේපාලය පළමුව පන්දුවට පහර දීමට තීරණය කළේය.
ආරම්භක පිතිකරු ආසිෆ් ෂෙයික් පන්දු 106කින් ලකුණු 102ක් රැස් කරමින් නේපාලයේ ජයග්‍රාහී ලකුණු සංඛ්‍යාවට පදනම දැමූ අතර, රෝහිත් පෞඩෙල් (40) සහ ගුල්ෂන් ජා (52) ඔහුට හොඳ සහයක් ලබා දුන්හ.
එමීර් කණ්ඩායම වෙනුවෙන් හොඳම පන්දු යැවීමේ දක්ෂතාව ඉබ්රාර් අහමඩ් (4/62) වාර්තා කළද, අවසානයේ රයිනෝස් කණ්ඩායම 313/9ක් රැස් කිරීමට සමත් විය.
ටනිෂ් සූරි පන්දු 28කින් ලකුණු 42ක් ලබාගෙන වේගවත් ආරම්භයක් ලබා දුන්නද, කරන් කේසී (3/49) සහ ලලිත් රාජ්බන්ෂි (2/43) තීරණාත්මක කඩුලු දවාගැනීමත් සමඟ එක්සත් අරාබි එමීර් රාජ්‍යයේ ඉනිම අඩාල විය. රාහුල් චොප්රා නොදැවී ශතකයක් ලබාගත්තද, එක්සත් අරාබි එමීර් රාජ්‍යය ලකුණු 44කින් පරාජයට පත් විය.
කඩුලු 17ක් දවාගත් සන්දීප් ලමිච්ඡානේ තරගාවලියේ වීරයා වූ අතර, සිය විශිෂ්ට ඉනිම වෙනුවෙන් ආසිෆ් තරගයේ වීරයා සම්මානය දිනාගත්තේය.
ඡායාරූප අනුග්‍රහය: ආසියානු ක්‍රිකට් කවුන්සිලය
ජාත්‍යන්තර ක්‍රිකට් කවුන්සිලය වාර්තාකරණය මත පදනම්ව