ලෙරොයිඩ් සහ වෙබ්ගේ දස්කමින් ඕස්ට්‍රේලියා A පිලට 3-0 ජයක්

නව චන්දිගාර්හිදී පැවති තුන්වැනි T20 තරගය ලකුණු හතකින් ජයගත් ඕස්ට්‍රේලියා A පිල, අනිකා ලෙරොයිඩ් සහ කෝට්නි වෙබ්ගේ අර්ධ ශතක බලයෙන් ඉන්දියා A පිල 3-0ක් ලෙස තරගාවලිය අතුගා දැමීය.

පළමුව පන්දුවට පහර දීමට තීරණය කළ ඕස්ට්‍රේලියා A පිල ස්ථාවර ලෙස ඉනිම ඇරඹූ නමුත් පවර්ප්ලේ තුළදීම ආරම්භක පිතිකරුවන් දෙදෙනාම අහිමි විය. ඉන් අනතුරුව එක්වූ ලෙරොයිඩ් සහ වෙබ් ශක්තිමත් සබඳතාවක් ගොඩනැගූහ. පන්දු 42ක් ක්‍රීඩා කළ ලෙරොයිඩ් හතරේ පහර පහක් සහ හයේ පහර තුනක් සමගින් ලකුණු 61ක් රැස් කළාය. වෙබ් හතරේ පහර පහක් සහ හයේ පහරක් සමගින් පන්දු 42කින් ලකුණු 52ක් ලබා ගත්තාය. ලකුණු 100ක සබඳතාව බිඳ දැමුවේ වම් අත් දඟ පන්දු යවන්නිය වෛෂ්ණවි ශර්මා වන අතර, ඇය 17 වැනි පන්දුවාරයේදී වෙබ් කඩුලු රැකීමට හසු කර ගත්තාය. 20 වැනි පන්දුවාරයේදී සායලි සත්ගාරේ ලෙරොයිඩ් දවා ගත් අතර ඕස්ට්‍රේලියා A පිල පන්දුවාර 20කින් කඩුලු 5ක් දැවී ලකුණු 168ක් රැස් කළේය.

ඉලක්කය හඹා යාමේදී ඉන්දියා A පිලේ ආරම්භක පිතිකරුවන් වෘන්දා දිනේෂ් සහ තේජල් හසබ්නිස් හොඳින් ඉනිම ඇරඹූ අතර පන්දුවාර 7.4ක් තුළ ලකුණු 84ක සබඳතාවක් ගොඩනැගූහ. එහෙත් සියානා ජින්ජර් හසබ්නිස් ලකුණු 42කට දවා ගනිමින් එම සබඳතාව බිඳ දැමුවාය. අනතුරුව වෘන්දා 11 වැනි පන්දුවාරයේදී අර්ධ ශතකය සම්පූර්ණ කළ නමුත්, එම පන්දුවාරයේදීම ඉන්දියාවට නායිකා අනුෂ්කා ශර්මා අහිමි විය. ඉන්පසු ලිලී මිල්ස් 14 වැනි පන්දුවාරයේදී මින්නු මනී සහ නිකී ප්‍රසාද් දවා ගනිමින් ඉන්දියාවට දෙබිඩි පහරක් එල්ල කළාය.

අනතුරුව ඉන්දියා A පිල අවසන් කඩුලු හය ලකුණු 29ක් තුළ අහිමි කරගත් අතර, ඉනිමේ පන්දුවක් ඉතිරිව තිබියදී සියලු දෙනා දැවී ලකුණු 161ක් ලබා ගත්තේය.

මෙම පිල් දෙක ඉදිරියේදී එක්දින තරග තුනකට එක්වන අතර, ඉන් අනතුරුව ධර්මශාලාහිදී නිල නොවන තනි ටෙස්ට් තරගයක් පැවැත්වේ.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ