ටෙස්ට් තරග 100ක විනිසුරු සුවිශේෂත්වයට රිචඩ් කෙට්ල්බරෝ

එමිරේට්ස් ICC ප්‍රභූ විනිසුරු මණ්ඩලයේ රිචඩ් කෙට්ල්බරෝ සිය වෘත්තීය ජීවිතයේ විශිෂ්ට සන්ධිස්ථානයකට පිවිසීම වෙනුවෙන් ජාත්‍යන්තර ක්‍රිකට් කවුන්සිලය (ICC) ඔහුට සුබ පැතුම් එක් කළේය. අඟහරුවාදා කේප්ටවුන් හිදී දකුණු අප්‍රිකාව සහ ඕස්ට්‍රේලියාව අතර පැවැති තෙවැනි ICC ලෝක ටෙස්ට් ශූරතාවලි තරගයේදී ඔහු සිය 100 වැනි ටෙස්ට් තරගයට ක්‍රීඩා පිටියේ විනිසුරුවරයා ලෙස එක් විය.

වයස 53ක් වන ඔහු මෙම සන්ධිස්ථානයට ළඟා වූ පස්වැනි විනිසුරුවරයා වන අතර, ටෙස්ට් තරග 100 සමාජයේ අලීම් දාර් (ටෙස්ට් තරග 145), ස්ටීව් බක්නර් (128), රූඩි කර්ට්සන් (108) සහ රොඩ් ටකර් (102) සමඟ එක් වේ.

ඉන්දියාව සහ ඕස්ට්‍රේලියාව අතර පැවැති ICC පිරිමි ක්‍රිකට් ලෝක කුසලාන 2023 ඉන්දියා අවසන් මහා තරගයේදී රිචඩ් කෙට්ල්බරෝ (ඡායාරූපය: ගැරත් කෝප්ලි/ගෙටි ඉමේජස්)

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

මෙම ජයග්‍රහණය පිළිබඳව අදහස් දක්වමින් කෙට්ල්බරෝ, සිය වෘත්තීය ජීවිතය පුරා ලැබුණු අඛණ්ඩ සහයෝගය වෙනුවෙන් ICC, එංගලන්ත හා වේල්ස් ක්‍රිකට් මණ්ඩලය (ECB) සහ සිය සගයන්ට කෘතඥතාව පළ කළේය.

“අඛණ්ඩ සහයෝගය වෙනුවෙන් ICC සහ ECB ආයතනවලටත්, මිත්‍රත්වය සහ දිරිගැන්වීම වෙනුවෙන් එමිරේට්ස් ICC ප්‍රභූ විනිසුරු හා තරග විනිශ්චය මණ්ඩලයේ මගේ සගයන්ටත් මම කෘතඥ වෙනවා,” යැයි ඔහු පැවසීය.

“අද අප අතර නැති මගේ තාත්තාටත් නැන්දාටත්, ඔබ කොතරම් ආඩම්බර වෙනවාද කියා මම දන්නවා. මගේ දරුවන් වන මිලී, ජැක් සහ ඇල්ෆීටත්, මට ආදරණීය සැමටත්, ඔබ සැමට මෙහි සිටීමට හැකි වුණා නම් කියා මම පතනවා. මේ සන්ධිස්ථානය මගේ තරමටම ඔබේත් එකක්. ඔබ සැම ළඟදීම දැක ගැනීමටත්, මේ ක්‍රීඩාවේ තවත් සාර්ථක වසර ගණනාවකටත් මම බලා සිටිනවා,” යැයි ද ඔහු පැවසීය.

කෙට්ල්බරෝ සිය ජාත්‍යන්තර විනිසුරු මංගල තරගයට එක් වූයේ 2009 වසරේ ඕල්ඩ් ට්‍රැෆර්ඩ් හිදී එංගලන්තය සහ ඕස්ට්‍රේලියාව අතර පැවැති T20I තරගයකදීය. ඔහු සිය පළමු ටෙස්ට් තරගයට විනිසුරු ලෙස එක් වූයේ 2010 නොවැම්බර් මාසයේ ගාල්ලේදී ශ්‍රී ලංකාව සහ බටහිර ඉන්දීය කොදෙව් අතර පැවැති තරගයේදීය.

2009 වසරේ සිය පළමු ජාත්‍යන්තර තරගයේදී රිචඩ් කෙට්ල්බරෝ හයේ පහරක් ලෙස සංඛේතවත් කරයි (ඡායාරූපය: ස්ටූ ෆෝස්ටර්/ගෙටි ඉමේජස්)

විනිසුරු වෘත්තියට පිවිසීමට පෙර කෙට්ල්බරෝ 1994 සහ 1999 අතර කාලයේ එංගලන්ත කවුන්ටි ශූරතාවලියේ මිඩ්ල්සෙක්ස් සහ යෝක්ෂයර් නියෝජනය කරමින් පළමු පෙළ තරග 33කට ක්‍රීඩා කළේය. 2006 වසරේ එංගලන්ත හා වේල්ස් ක්‍රිකට් මණ්ඩලයේ (ECB) විනිසුරු මණ්ඩලයට ඇතුළත් වූ ඔහු, 2011 මැයි මාසයේ එමිරේට්ස් ICC ප්‍රභූ විනිසුරු මණ්ඩලයට නම් කෙරුණු අතර එවකට එහි තරුණතම සාමාජිකයා බවට පත් විය.

වයස 53ක් වන ඔහු එක්දින තරග 114ක, T20I තරග 46ක, කාන්තා එක්දින තරග හතරක සහ කාන්තා T20I තරග හතරක ද විනිසුරු ලෙස කටයුතු කර ඇත.

ක්‍රීඩාවේ උපරිම මට්ටමේ වසර 15කට වැඩි කාලයක් පුරා විහිදී ගිය ජාත්‍යන්තර වෘත්තීය ජීවිතයක සුවිශේෂ සන්ධිස්ථානයක් ලෙස කෙට්ල්බරෝගේ 100 වැනි ටෙස්ට් තරගය ක්‍රීඩා පිටියේ විනිසුරුවරයා ලෙස සටහන් වේ.

ගෝලීය ICC තරගාවලිවලදී කෙට්ල්බරෝගේ වාර්තාව:

ICC පිරිමි ක්‍රිකට් ලෝක කුසලානය: 2011, 2015 (අවසන් මහා තරගය ද ඇතුළුව), 2019 සහ 2023 (අවසන් මහා තරගය ද ඇතුළුව).

ICC පිරිමි T20 ලෝක කුසලානය: 2012, 2014 (අවසන් මහා තරගය ද ඇතුළුව), 2016, 2021 (අවසන් මහා තරගය ද ඇතුළුව), 2022, 2024 (අවසන් මහා තරගයේ රූපවාහිනී විනිසුරු ලෙස) සහ 2026.

ICC පිරිමි ශූරයන්ගේ කුසලානය: 2013, 2017 (අවසන් මහා තරගය ද ඇතුළුව) සහ 2025.

ICC ලෝක ටෙස්ට් ශූරතාවලි අවසන් මහා තරගය: 2021 සහ 2023, එම අවස්ථා දෙකේදීම රූපවාහිනී විනිසුරු ලෙස කටයුතු කළේය.