ඉන්දීය පිරිමි ජාතික තේරීම් කමිටු තනතුරට ජැෆර් අයදුම් කරයි

අජිත් අගර්කාර්ගේ කොන්ත්‍රාත්තුව අලුත් නොකිරීමට BCCI තීරණය කිරීමෙන් පසු හිස් වූ ඉන්දීය පිරිමි ක්‍රිකට් ජ්‍යෙෂ්ඨ ජාතික තේරීම් කමිටු තනතුර සඳහා හිටපු ඉන්දීය ආරම්භක පිතිකරු වසීම් ජැෆර් අයදුම් කර ඇති අතර, එම තනතුර සඳහා තරගකරුවකු බවට ඔහු පත් වී තිබේ.

“ඔව්, මම එම තනතුර සඳහා අයදුම් කළා,” යැයි ජැෆර් PTI වෙත පැවසීය.

වයස 48ක් වන ජැෆර් ටෙස්ට් තරග 31ක් ක්‍රීඩා කරමින් බටහිර ඉන්දීය කොදෙව් සහ පාකිස්තානයට එරෙහි ද්විශතක ද ඇතුළත්ව ශතක පහක් වාර්තා කළේය. 2000 සිට 2008 දක්වා පැවති ඔහුගේ ටෙස්ට් දිවියේ 34.10ක සාමාන්‍යයක් සමඟ ලකුණු 1944ක් රැස් කළේය. එක්දින ක්‍රිකට්හි ජැෆර් 2006 වර්ෂයේ තරග දෙකක් පමණක් ක්‍රීඩා කළේය.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

එහෙත් ජැෆර්ට ප්‍රාදේශීය ක්‍රිකට්හි බලවත් පසුබිමක් ඇත. රංජි කුසලාන ඉතිහාසයේ වැඩිම ලකුණු රැස් කළ ක්‍රීඩකයා වන ඔහු එම තරගාවලියේ ඉතිහාසයේ වැඩිම ශතක සංඛ්‍යාවක් ද වාර්තා කර ඇත. සමස්ත ප්‍රථම පෙළ ක්‍රිකට්හි තරග 260ක් ක්‍රීඩා කර 50ට වැඩි සාමාන්‍යයක් සමඟ ලකුණු 19410ක් රැස් කරමින් ශතක 57ක් වාර්තා කර ඇත. 1996-97 වාරයේ මුම්බායි පිල සමඟ ජ්‍යෙෂ්ඨ ක්‍රිකට් දිවිය ඇරඹූ ඔහු විදර්භ පිල නියෝජනය කරමින් සියලු ක්‍රිකට් තරගවලින් සමුගත්තේය.

අශෝක් මල්හෝත්‍රා සහ ජතින් පරන්ජපේගෙන් සමන්විත ක්‍රිකට් උපදේශක කමිටුව (CAC) විසින් තෝරා ගනු ලැබුවහොත්, සභාපති තනතුර සඳහා සලකා බලන අයදුම්කරුවන් අතර වැඩිම ටෙස්ට් තරග සංඛ්‍යාවක් ක්‍රීඩා කළ පුද්ගලයා ජැෆර් වන බැවින් ඔහු සභාපති වනු ඇත.

ටෙස්ට් තරග 24ක් ක්‍රීඩා කර ඇති ප්‍රග්‍යාන් ඕඣාට වඩා තරග හතක් ජැෆර් ක්‍රීඩා කර ඇත. ඕඣාට අමතරව, වර්තමාන අනෙකුත් තේරීම් කමිටු සාමාජිකයන් වන්නේ RP සිං, අජේ රත්‍රා සහ ශිව් සුන්දර් දාස් ය.