එඩ් ජොයිස් අයර්ලන්තයේ උසස් කාර්යසාධන පිතිකරණ පුහුණුකරු ලෙස පත් කරයි

එඩ් ජොයිස් උසස් කාර්යසාධන පිතිකරණ පුහුණුකරු ලෙස අයර්ලන්තය විසින් පත් කර ඇත. වහාම ක්‍රියාත්මක වන පරිදි එම තනතුර භාර ගන්නා ඔහු, ජ්‍යෙෂ්ඨ පිරිමි කණ්ඩායමට පුහුණුව ලබා දෙනු ඇති අතර ඔවුන්ගේ පිරිමි දක්ෂතා මාවත සමඟද කටයුතු කරනු ඇත.

අයර්ලන්තය සහ එංගලන්තය යන දෙපිල නියෝජනය කරමින් ජාත්‍යන්තර ක්‍රිකට් ක්‍රීඩා කළ ජොයිස්, 2018 වසරේදී ක්‍රීඩා ජීවිතයෙන් සමුගත්තේය. ඉන් නොබෝ කලකට පසු අයර්ලන්ත කාන්තා කණ්ඩායමේ ප්‍රධාන පුහුණුකරු ලෙස ඔහු එක් විය. වසර හයකට ආසන්න කාලයක් එම තනතුරේ කටයුතු කළ ඔහු, 2025 අප්‍රේල් මාසයේදී එයින් ඉල්ලා අස් විය.

ඉන් අනතුරුව ඔහු කවුන්ටි ක්‍රිකට් තරගාවලියේ ග්ලෝස්ටර්ෂයර් කණ්ඩායමේ සහ ETPL තරගාවලියේ ඩබ්ලින් ගාඩියන්ස් කණ්ඩායමේ පිතිකරණ පුහුණුකරු ලෙස කටයුතු කළ අතර, විචාරකයෙකු ලෙසද සේවය කළේය.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

“ක්‍රීඩා ජීවිතයෙන් සමුගත් පසු අයර්ලන්ත ක්‍රිකට් සමඟ සම්බන්ධව සිටීම මට ඉතා වැදගත් දෙයක් වුණා,” යැයි ජොයිස් නිවේදනයක් නිකුත් කරමින් පැවසීය. “පසුගිය වසර කිහිපය තුළ අයර්ලන්ත පිරිමි පිල දෙස බැලුවම, අපේ ක්‍රීඩකයන් ජාත්‍යන්තර වේදිකාවේ තරගකාරීව සිටින්න සූදානම් කරන්න තිර පිටුපස කොපමණ වෙහෙසක් දරලා තියෙනවද කියන එක පැහැදිලියි.

“මේ කටයුත්තට සම්බන්ධ වෙලා, පිතිකරණ කණ්ඩායම ඉදිරියට ගෙන යන්න යම් අවබෝධයක් හා දැනුමක් එකතු කරන්න මම බලාපොරොත්තු වෙනවා. දක්ෂතාව තියෙනවා; දැන් ඉලක්කය තමයි ස්ථාවරත්වය.”

පිරිමි කණ්ඩායමේ ප්‍රධාන පුහුණුකරු ගැරී විල්සන් සහ උසස් කාර්යසාධන අධ්‍යක්ෂ ග්‍රැහැම් වෙස්ට් සමඟ ජොයිස් කටයුතු කරනු ඇත. ජ්‍යෙෂ්ඨ කණ්ඩායම අවසන් වරට තරග වැදුණේ අගෝස්තු මාසයේදී ස්වදේශයේදී ඇෆ්ගනිස්ථානයට එරෙහිව පැවති තරග පහකින් සමන්විත එක්දින තරගාවලියේදී වන අතර, එය 4-0ක් ලෙස පරාජයට පත් විය. ඔවුන්ගේ ඊළඟ ප්‍රධාන කර්තව්‍යය වන්නේ පෙබරවාරි 22 වැනිදා සිට මාර්තු 23 වැනිදා දක්වා පැවැත්වෙන 2027 එක්දින ලෝක කුසලාන සුදුසුකම් ලැබීමේ තරගාවලියයි.