අයර්ලන්ත තුන් ඉරියව් ක්‍රීඩක සිමී සිං විශ්‍රාම ගනියි

අයර්ලන්ත තුන් ඉරියව් ක්‍රීඩක සිමී සිං වෘත්තීය ක්‍රිකට් ක්‍රීඩාවෙන් විශ්‍රාම යන බව ප්‍රකාශ කළේය.

ඉන්දියාවේ පන්ජාබ්හි උපත ලැබූ සිමී 2006 වසරේදී අයර්ලන්තයට සංක්‍රමණය විය. එහෙත් ඔහුගේ මංගල තරගය ක්‍රීඩා කළේ වයස අවුරුදු 30දී, 2017 වසරේදී පමණි. සමස්තයක් ලෙස ඔහු එක්දින තරග 35කට හා T20I තරග 53කට ක්‍රීඩා කරමින් ලකුණු 2000කට වැඩි ප්‍රමාණයක් රැස් කර කඩුලු 83ක් දවා ගත්තේය. එක්දින තරගවලදී ඔහුගේ ලකුණු ලබාදීමේ අනුපාතය 3.99ක් පමණක් වූ අතර එය විශේෂයෙන් කැපී පෙනුණි. ඔහුගේ අවසන් ජාත්‍යන්තර තරගය වූයේ ඕස්ට්‍රේලියාවේ පැවති 2022 T20 ලෝක කුසලානයේදී ශ්‍රී ලංකාවට එරෙහිව ක්‍රීඩා කළ තරගයයි.

“ජාත්‍යන්තර ක්‍රිකට් ක්‍රීඩා කිරීමේ සිහිනයක් සමඟ මම වයස අවුරුදු 19ක තරුණයෙකු ලෙස අයර්ලන්තයට ආවා. ආපස්සට හැරී බලන විට, මේ ගමන පුදුමාකාර එකක්,” යැයි සිමී නිවේදනයක් නිකුත් කරමින් පැවසීය. “අයර්ලන්තයට සහ මාව විශ්වාස කර, සහාය දී, මේ ගමනේ මට උදව් කළ සැමට මම අතිශයින් ණයගැතියි. ගමනේ සෑම පියවරකදීම මා පසුපස සිටි මගේ පවුලේ ආදරය සහ සහාය නොවන්නට මෙයින් කිසිවක් කළ හැකි වන්නේ නැහැ.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

“විශේෂ ස්තුතියක් ඇලන් ලුවිස්ට. ඔහු මගේ වෘත්තීය ජීවිතයේ මෙන්ම පෞද්ගලික ජීවිතයේද, විශේෂයෙන් මගේ YMCA කාලයේදී, ඉතා වැදගත් කාර්යභාරයක් ඉටු කළා. ඔහුගේ මඟපෙන්වීම සහ සහාය වෙනුවෙන් මම සැමදා ණයගැතියි. තවද, විශිෂ්ට පුහුණුකරුවෙකුට ක්‍රීඩකයෙකුගේ ජීවිතයේ සැබෑ වෙනසක් කළ හැකියි. මට නම් ඒ පුහුණුකරු ග්‍රැහැම් ෆෝඩ්. මගේ ක්‍රීඩා ජීවිතයට සහ ජයග්‍රහණවලට ඔහු අත්‍යවශ්‍ය වුණා.”

සිමීගේ විශිෂ්ටතම කාලය උදා වූයේ 2021 වසරේදීය. අබුඩාබිහි පැවති එක්දින තරගයකදී එක්සත් අරාබි එමීර් රාජ්‍යයට එරෙහිව නොදැවී ලකුණු 54ක් සහ 5 for 10ක දස්කමක් දක්වමින් ඔහු වර්ෂය ආරම්භ කළේය. මාස කිහිපයකට පසු මලහයිඩ්හිදී දකුණු අප්‍රිකාවට එරෙහිව නොදැවී ලකුණු 100ක් රැස් කරමින්, එක්දින ක්‍රිකට් ඉතිහාසයේ 8 වැනි පිතිකරු ලෙස ශතකයක් රැස් කළ පළමු පිතිකරු බවට පත් විය. ඔහුගේ දස්කම් නිසා ICC වර්ෂයේ එක්දින කණ්ඩායමේ ස්ථානයක්ද ඔහුට හිමි විය.

2024 වසරේදී සිමීට තීව්‍ර අක්මා අකර්මණ්‍යතාවයක් වැළඳී අක්මා බද්ධ කිරීමේ සැත්කමකට භාජන විය. සුවය ලැබීමෙන් පසු ඔහු පන්ජාබ්හි තමන්ගේම පුහුණු ඇකඩමිය ආරම්භ කළේය.

“අයර්ලන්තයට මගේ හදවතේ සැමදා විශේෂ ස්ථානයක් තියෙනවා,” යැයි සිමී පැවසීය. “මම සැමදාම අයර්ලන්ත ක්‍රිකට් ක්‍රීඩාවේ අභිමානවත් ආධාරකරුවෙක්. මහඟු දේ සාධනය කිරීමට ඊළඟ පරම්පරාවට සෑම ජයග්‍රහණයක්ම ප්‍රාර්ථනා කරනවා. ස්තුතියි, අයර්ලන්තය.”