ඩෙල්හි කැපිටල්ස් පිලේ ප්‍රධාන පුහුණුකරු ලෙස ගංගුලි පැමිණේ

IPL 2027 ට පෙර ඩෙල්හි කැපිටල්ස් (DC) පිලේ ප්‍රධාන පුහුණුකරු ලෙස සෞරව් ගංගුලි නම් කර ඇති අතර, කලක් තිස්සේ පැවති එම අපේක්ෂාව තහවුරු කරමින් අඟහරුවාදා දහවල් එම පිල සමාජ මාධ්‍ය ඔස්සේ එය නිවේදනය කළේය. කැපිටල්ස් පිලේ පසුබිම් කාර්ය මණ්ඩලයේ පිතිකරණ පුහුණුකරු ලෙස යුවරාජ් සිං ද ගංගුලිට සහාය වනු ඇතැයි අපේක්ෂා කෙරෙන නමුත්, ඒ සම්බන්ධ නිල නිවේදනයක් තවම නිකුත් වී නැත.

ජූනි මාසයේ Cricinfo වාර්තා කළ පරිදි, IPL ශූරතාව කිසි දිනෙක දිනා නොගත්, 2026 වසරේ හය වැනි ස්ථානයට පත් වූ DC පිල, පසුගිය වාර දෙකේ කටයුතු කළ පුහුණු කාර්ය මණ්ඩලය වෙනස් කරනු ඇතැයි අපේක්ෂා කෙරිණි. එම මණ්ඩලයේ වෙනුගෝපාල් රාඕ (කණ්ඩායම් අධ්‍යක්ෂ), හේමන්ග් බදානි (ප්‍රධාන පුහුණුකරු), මුනාෆ් පටෙල් (පන්දු යැවීම් පුහුණුකරු) සහ ඉයන් බෙල් (සහකාර පුහුණුකරු) සිටියහ.

“ඩෙල්හි කැපිටල්ස් කියන්නේ මගේ හදවතට ගොඩාක් සමීප කණ්ඩායමක්. අවුරුදු ගණනාවක් තිස්සේ මම එයත් එක්ක ශක්තිමත් සම්බන්ධතාවක් පවත්වගෙන ආවා,” යැයි ගංගුලි නිවේදනයක් නිකුත් කරමින් පැවසීය. “හිමිකරුවන්, පරිපාලනය, සහාය කාර්ය මණ්ඩලය සහ ක්‍රීඩකයන් සමඟ මම ළඟින් වැඩ කරලා තියෙනවා. ඒ නිසා මේක මට උද්‍යෝගිමත් වගකීමක්.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

“අපට දක්ෂතා පිරි කණ්ඩායමක් තියෙනවා, පසුගිය කාලයේ අපි හොඳ ක්‍රිකට් විලාසයක් ප්‍රදර්ශනය කළා. සංචිතය සමඟ වැඩ කරන්න, අලුත් වාරයට, ශක්තිමත් හා නිර්භීත කණ්ඩායමක් ගොඩනඟන්න මම මහත් ඕනෑකමින් බලා සිටිනවා.”

IPL 2024 න් පසු DC පිලේ හවුල් හිමිකරුවන් වන GMR ස්පෝර්ට්ස් ඉන්දියා පුද්ගලික සමාගම සහ ජින්දාල් සවුත් වෙස්ට් (JSW) ස්පෝර්ට්ස් අතර ඇති වූ එකඟතාවට අනුකූලව මෙම වෙනස සිදු වී ඇත. එම එකඟතාව වන්නේ හිමිකරුවන් දෙදෙනා වර්ෂ දෙකක චක්‍ර අනුව එකින් එක පිලේ කටයුතු පාලනය කිරීමයි.

ගංගුලිට DC පිල සමඟ දිගු කාලීන සම්බන්ධයක් පවතී.

2024 වසරේ ඔහු JSW හි ක්‍රිකට් අධ්‍යක්ෂ ලෙස පත් කෙරුණු අතර, BCCI සභාපති වීමට පෙර IPL 2019 වාරයේ DC පිලේ උපදේශක ලෙසද කටයුතු කළේය. SA20 2025 තරගාවලියේදී ගංගුලි ප්‍රිටෝරියා කැපිටල්ස් පිලේ ප්‍රධාන පුහුණුකරු ලෙස කටයුතු කළේය. එය පුහුණුකරුවකු ලෙස ඔහුගේ පළමු අවස්ථාව විය. ඔහු කාන්තා ප්‍රිමියර් ලීග් තරගාවලියේ DC කණ්ඩායම සමඟ ද සම්බන්ධ වී සිටියේය.

“දාදා [ගංගුලි] ඩෙල්හි කැපිටල්ස් පවුලේ අත්‍යවශ්‍ය අංගයක් වෙලා තියෙනවා, දිගටම එහෙමයි. ඉන්දියාවේ ශ්‍රේෂ්ඨතම නායකයන් හා පරිපාලකයන් අතර කෙනෙක් ඩෙල්හි කැපිටල්ස් පිලේ ප්‍රධාන පුහුණුකරු ලෙස පුහුණු ක්ෂේත්‍රයට පිවිසෙන බව නිවේදනය කරන්න ලැබීම ගැන මම ආඩම්බර වෙනවා, ගෞරවයක් කොට සලකනවා,” යැයි DC සභාපති, හවුල් හිමිකරු සහ JSW ස්පෝර්ට්ස් හි නිර්මාතෘ පාර්ත් ජින්දාල් පැවසීය. “ඔහු මේ වගකීම බාරගන්නා අයුරු දකින්න මම උද්‍යෝගිමත්. ඔහුගේ මඟපෙන්වීම සහ දූරදර්ශී නායකත්වය යටතේ IPL ශූරතාව සඳහා තරග කරන්න ඩෙල්හි කැපිටල්ස් හොඳින්ම සූදානම් වෙනවා කියලා මට විශ්වාසයි. අපේ සියලුම ක්‍රීඩකයන් සහ කාර්ය මණ්ඩලය දාදාගෙන් ඉගෙන ගන්නා අවස්ථාව එනකම් මම බලා සිටිනවා, හැකි ඉක්මනින් DC තරග බිමේ දකින්න ආසාවෙන් සිටිනවා.”

“[ගංගුලි] අපේ ක්‍රිකට් ව්‍යුහය ශක්තිමත් කිරීමේදී වැදගත් කාර්යභාරයක් ඉටු කළා. ඔහුට පිල ගැන තියෙන ගැඹුරු අවබෝධය, ඔහුගේ අත්දැකීම් සහ නායකත්වය සමඟ එකතු වෙද්දී, අපි ඉදිරියට යද්දී ඒක ඉතා වටිනවා,” යැයි DC හවුල් හිමිකරු සහ GMR ස්පෝර්ට්ස් හි නිර්මාතෘ කිරන් කුමාර් ග්‍රන්ධි පැවසීය. “ඔහු ප්‍රධාන පුහුණුකරු ලෙස වගකීම බාරගැනීම ගැන අපි සතුටු වෙනවා. ඔහුගේ දැක්ම සහ ක්‍රිකට් විශේෂඥ දැනුම කණ්ඩායමට ගෙන එන අයුරු දකින්න අපි බලා සිටිනවා. ඩෙල්හි කැපිටල්ස් සමඟ මේ උද්‍යෝගිමත් නව පරිච්ඡේදය ආරම්භ කරන ඔහුට සෑම සාර්ථකත්වයක්ම අපි පතනවා.”

මේ අතර, කුල්දීප් යාදව් සම්බන්ධ හුවමාරුවක් යටතේ ඉදිරි වාරය සඳහා රිෂාබ් පන්ත් ලක්නව් සුපර් ජයන්ට්ස් පිලෙන් නැවත DC පිලට ගෙන්වා ගෙන ඇත. පන්ත් 2016 සිට 2024 දක්වා වාර නවයක් DC පිල නියෝජනය කරමින් IPL ක්‍රිකට් තරග ක්‍රීඩා කර තිබේ.