එඩ්වර්ඩ්ස් සහ ඇබට්ගේ දස්කමින් නිව් සවුත් වේල්ස් ඉදිරියෙන්

බටහිර ඕස්ට්‍රේලියාව කඩුලු 7කට ලකුණු 245 (කර්ටිස් 65, හාඩි 52, එඩ්වර්ඩ්ස් 3-23), නිව් සවුත් වේල්ස් කඩුලු 6කට ලකුණු 440ක් ලබා ඉනිම අත්හැරීමට (පැටර්සන් 122, කොන්ස්ටාස් 71, ෂෝ 61, ස්කොට් 60*, ඩේවිස් 52) ලකුණු 195කින් පසුපසින්

ෂෙෆීල්ඩ් ෂීල්ඩ් තරගයේදී නිව් සවුත් වේල්ස් පිල බටහිර ඕස්ට්‍රේලියාව තද අඩංගුවේ තබා ගනිද්දී වේග පන්දු යවන්නන් වන ජැක් එඩ්වර්ඩ්ස් සහ ෂෝන් ඇබට් කඩුලු බෙදා ගත්හ.

බ්ලූස් පිල කඩුලු 6කට ලකුණු 440ක් ලබා ඉනිම අත්හැර දැමීමට පිළිතුරු දෙමින්, අඟහරුවාදා WACA ක්‍රීඩාංගණයේ දෙවැනි දින ක්‍රීඩාව නිමවනවිට බටහිර ඕස්ට්‍රේලියාව කඩුලු 7කට ලකුණු 245ක් දක්වා ළඟා විය. ලකුණු ලබාදීමේදී දක්වූ ඉතා සංයමී ක්‍රීඩා විලාසයක් තුළ එඩ්වර්ඩ්ස් පන්දුවාර 16කින් 3-23ක දස්කමක් දැක්වූ අතර ඇබට් පන්දුවාර 15කින් 2-25ක දස්කමක් දැක්වීය.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

සිව්වැනි පන්දුවාරයේදී කැමරන් බෑන්ක්‍රොෆ්ට් ලකුණු රැස් කිරීමට යන අතරතුර දැවී යාමත් සමඟ බටහිර ඕස්ට්‍රේලියානු ඉනිම අතිශය නරක ආරම්භයක් ලැබීය. බෑන්ක්‍රොෆ්ට්ගේ ආරම්භක සහකරු සෑම් වයිට්මන් දැඩි පහරක් මිඩ්-ඔන් දෙසට එවා ලකුණක් සඳහා සහකරුට ඇරයුම් කළ නමුත්, ඔලී ඩේවිස් සෘජුව කඩුල්ලට පහර දුන් විසි කිරීම පරදවා යාමට බෑන්ක්‍රොෆ්ට්ට නොහැකි විය.

එඩ්වර්ඩ්ස්ගේ පන්දු යැවීමේදී තෙවැනි ස්ලිප් ස්ථානයේ විචක්ෂණ උඩපන්දුවක් රැගනිමින් ජේඩන් ගුඩ්වින් දැවීයාමටද ඩේවිස් නොබෝ වෙලාවකින් දායක විය.

නිව් සවුත් වේල්ස් පිලේ ස්ථාවර ක්‍රීඩකයා වන ඇබට් පන්දුවෙන් වහා බලපෑමක් ඇති කළේය. ඔහු හිල්ටන් කාට්රයිට් දැවීයාමට සලස්වද්දී, තරමක් පිටතට ගිය පන්දුවකට ඩ්‍රයිව් පහරක් දීමට තැත් කළ කාට්රයිට් පන්දුව ස්පර්ශ වී ලකුණු 9කට කඩුල්ල පිටුපසින් දැවී ගියේය.

ඉන්පසු කඩුල්ල වටා පැමිණ පන්දු යැවූ ඇබට්, වමතට ක්‍රීඩා කරන වයිට්මන් ඇතුළට හැරුණු පන්දුවකින් පරදවා ලකුණු 20කට දැවීමට සැලැස්වීය. එතැනදී බටහිර ඕස්ට්‍රේලියාව කඩුලු 4කට ලකුණු 45ක් දක්වා පහත වැටී තිබිණි.

ඇරොන් හාඩි සහ ජොයෙල් කර්ටිස් ප්‍රතිප්‍රහාරයක් දියත් කරමින්, පස්වැනි කඩුල්ලට ලකුණු 118ක සබඳතාවක් ගොඩනඟමින් දෙදෙනාම විචිත්‍ර අර්ධ ශතක රැස් කළහ. කර්ටිස් තමන් ලද පන්දු 80 තුළ හතරේ පහර නවයක් වසි කළ අතර, නායක හාඩි පන්දු 74කින් හයේ පහරක් සහ හතරේ පහර හතක් වසි කළේය. එහෙත් හාඩි පන්දුව ස්පර්ශ වී කඩුල්ල පිටුපසින් දැවී යාමත් සමඟ ඔවුන්ගේ බලාපොරොත්තු සහගත සබඳතාව එඩ්වර්ඩ්ස් විසින් බිඳ දැමීය.

ඊළඟ පන්දුවාරයේදී එඩ්වර්ඩ්ස් නැවතත් කඩුල්ලක් දවා ගත්තේය. කර්ටිස් ගසා දැමූ පුල් පහර අහසට නැඟෙද්දී, ඩීප් ස්කොයර් ලෙග් ස්ථානයේ සිටි ජේක් ස්කොට් බිමට නැඹුරු වී විශිෂ්ට ලෙස එය රැගත්තේය.

ජොයෙල් පැරිස් සහ කියරන් එලියට් කඩුල්ලේ රැඳී සිටිමින් බ්ලූස් පිලේ ප්‍රහාරය නවතාලීය. අඟහරුවාදා උදෑසන කඩුලු 4කට ලකුණු 345ක සිට පළමු ඉනිම නැවත ඇරඹූ බ්ලූස් පිලට, ශතකය වාර්තා කළ කර්ටිස් පැටර්සන්ගේ කඩුල්ල නොබෝ වෙලාවකින් අහිමි විය. රාත්‍රිය වනවිට තිබූ ලකුණු සංඛ්‍යාවට තවත් ලකුණු පහක් පමණක් එකතු කළ ඔහු, එලියට්ගේ පන්දුවකින් ලකුණු 122කට දැවී ගියේය.

බෙන් ඩ්වාර්ෂියස් කෝරි රොකිකියෝලිට කඩුල්ල පාවා දුන් අතර, ඉන් අනතුරුව 21 හැවිරිදි තුන් ඉරියව් ක්‍රීඩක ජේක් ස්කොට් ලකුණු රැස් කිරීම වේගවත් කළේය. ඉනිම අත්හැර දැමීමට පෙර ස්කොට් පන්දු 47කින් හයේ පහර දෙකක් සහ හතරේ පහර හයක් සමඟින් නොදැවී ලකුණු 60ක් රැස් කළේය.