2028 ඔලිම්පික් සිහිනය වෙනුවෙන් රුමේෂ් තරංගට CIC හෝල්ඩිංග්ස් අත්වැල

විවිධ ක්ෂේත්‍ර ආවරණය කරන CIC හෝල්ඩිංග්ස් PLC (CSE: CIC) ආයතනය, ශ්‍රී ලංකා ජාතික ක්‍රීඩක රුමේෂ් තරංග පතිරගේගේ නිල පෝෂණ හා සුවතා හවුල්කරු ලෙස එක්ව ඇත. ඔහුගේ 2028 ඔලිම්පික් ක්‍රීඩා උළෙල කරා යන ගමන සහ ශ්‍රී ලංකාවට ඉතිහාසයේ පළමු ඔලිම්පික් ස්වර්ණ පදක්කම ගෙන ඒමේ අපේක්ෂාව එමගින් ශක්තිමත් වේ.

සාමාන්‍ය ක්‍රීඩා අනුග්‍රහයකින් ඔබ්බට යන හවුල් කැපවීමක් මෙම හවුල්කාරීත්වයෙන් පිළිබිඹු වේ. ජාත්‍යන්තර ක්‍රීඩා ක්ෂේත්‍රයේ උසස්ම මට්ටමේ තරග කිරීමට අවශ්‍ය වන වර්ෂ ගණනාවක සූදානම, විනය සහ නොපසුබස්නා උත්සාහය මැද CIC ආයතනය රුමේෂ් සමඟ සිටියි. නිල පෝෂණ හා සුවතා හවුල්කරු ලෙස, 2028 ඔලිම්පික් තරගාවලිය වෙනුවෙන් ඔහු සූදානම් වන අතරතුර ඔහුගේ පෝෂණය, සුවතාව සහ සමස්ත යහපැවැත්ම සඳහා CIC ආයතනය සහාය දෙන අතර, එය ජාතියේ සිහිනයට ඉන්ධන සපයයි.

සුවිශේෂී 2026 කන්නයකින් පසු රුමේෂ් තරංග ලොව ප්‍රමුඛ පෙළේ හෙල්ල විසිකරුවන් අතරට පැමිණ ඇත. රෝමයේදී ඔහු මීටර් 92.62ක ශ්‍රී ලංකා ජාතික වාර්තාවක් පිහිටුවා, පොදුරාජ්‍ය මණ්ඩලීය ක්‍රීඩා උළෙලේ ශූරතාව දිනා ගත් අතර, ශ්‍රී ලංකාවේ පළමු ඩයමන්ඩ් ලීග් ශූරයා ද බවට පත් විය. බුඩාපෙස්ට්හි පැවති ප්‍රථම ලෝක මලල ක්‍රීඩා අල්ටිමේට් ශූරතාවලියේ අවසන් වටයේ මීටර් 91.09ක විසි කිරීමක් සමඟ ස්වර්ණ පදක්කම දිනාගනිමින් ලොව අංක 1 පුරුෂ හෙල්ල විසිකරු ලෙස සිය ස්ථාවරය ඔහු තවදුරටත් තහවුරු කළේය. නවතම ජයග්‍රහණය ලෙස, 2026 ආසියානු ක්‍රීඩා උළෙලේ පුරුෂ හෙල්ල විසි කිරීමේ ඉසව්ව දිනාගනිමින් ශ්‍රී ලංකාවට ලැබුණු එකම ස්වර්ණ පදක්කම ඔහු දිනා දුන්නේය

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

දශක හයකට වැඩි කාලයක් තිස්සේ කෘෂිකර්මය, සෞඛ්‍ය හා සුවතාව, පෞද්ගලික සත්කාර ඇතුළු අංශ ගණනාවක සිය පැවැත්ම තුළින් CIC ආයතනය ශ්‍රී ලාංකිකයන්ගේ ජීවිතවල කොටස්කරුවකු ව සිටියි. ශ්‍රී ලාංකික ජීවිත පෝෂණය කිරීමේ එම දිගුකාලීන කාර්යභාරය, මුළු ජාතියටම වැදගත් වන අපේක්ෂාවක් පසුපස යන ක්‍රීඩකයකුගේ ගමනට සහාය දීම දක්වා මෙම හවුල්කාරීත්වයෙන් විස්තීර්ණ වේ.

මෙම හවුල්කාරීත්වය පිළිබඳ අදහස් දක්වමින් CIC හෝල්ඩිංග්ස් PLC සමූහ ප්‍රධාන විධායක නිලධාරී අරෝෂන් සෙරසිංහ මෙසේ පැවසීය. “පරම්පරා ගණනාවක් තිස්සේ ශ්‍රී ලාංකික ජීවිත පෝෂණය කිරීමටත් ප්‍රජාවන්ගේ දියුණුවටත් CIC දායක වුණා. රුමේෂ් සමඟ අපේ හවුල්කාරීත්වය එම කැපවීමේ ස්වාභාවික දිගුවක්. 2028 කරා යන ඔහුගේ ගමන විනය, ඔරොත්තු දීමේ හැකියාව සහ අසාමාන්‍ය අපේක්ෂාවක් පසුපස යාමේ ධෛර්යය නියෝජනය කරනවා. ලෝකයේ විශාලතම ක්‍රීඩා වේදිකාවේ ශ්‍රී ලංකාව නියෝජනය කිරීම වෙනුවෙන් ඔහු වැඩ කරන අතරේ ඔහුගේ පෝෂණයට සහ යහපැවැත්මට සහාය දෙමින් ඔහු පැත්තේ සිටීම ගැන අපි ආඩම්බර වෙනවා,” යැයි ඔහු පැවසීය.

තරග දිනයට බොහෝ කලකට පෙර, අඛණ්ඩ පුහුණුව, සූදානම, පෝෂණය, යහපැවැත්ම සහ විශ්වාසය තුළින් ක්‍රීඩා ජයග්‍රහණ ගොඩනැඟෙන බව පෙන්වා දෙමින් ශ්‍රී ලාංකික තරුණ පරපුරට ආදර්ශයක් දීම ද මෙම හවුල්කාරීත්වයේ අරමුණකි.

මෙම හවුල්කාරීත්වය පිළිබඳ සිය අදහස් පළ කරමින් රුමේෂ් තරංග මෙසේ පැවසීය. “උසස්ම මට්ටමේ ශ්‍රී ලංකාව නියෝජනය කිරීම මම ලොකු ආඩම්බරයකින් දරන වගකීමක්. 2028 කරා යන ගමනට ශාරීරිකව සහ මානසිකව පූර්ණ කැපවීම අවශ්‍ය වෙනවා. මගේ පෝෂණ හා සුවතා හවුල්කරු විදිහට CIC මා සමඟ සිටීම එම ගමන දිගටම යන විට මට ලැබෙන වැදගත් සහායක්. මගේ සිහිනය ශ්‍රී ලංකාව වෙනුවෙන් ඉතිහාසගත දෙයක් ඉටු කරන එක. එම අපේක්ෂාව විශ්වාස කරන, එම ගමනේ කොටස්කරුවන් වීමට සූදානම් හවුල්කරුවන් ලැබීම ගැන මම කෘතඥ වෙනවා,” යැයි ඔහු පැවසීය.

මෙම හවුල්කාරීත්වය තුළින්, රුමේෂ්ගේ 2028 ඔලිම්පික් ගමන වටා දිගුකාලීන වේදිකාවක් ගොඩනැඟීම CIC ආයතනයේ අරමුණ වන අතර, ක්‍රීඩා උච්චතාව පසුපස යන ඔහුගේ උත්සාහය, ඔරොත්තු දීමේ හැකියාව සහ සූදානම ශ්‍රී ලාංකිකයන්ට වඩාත් සමීප කරනු ඇත