ඩෙල්හි කැපිටල්ස් පිලේ වේග පන්දු යැවීමේ පුහුණුකරු ලෙස චමින්ද වාස්

IPL 2027 සඳහා වේග පන්දු යැවීමේ පුහුණුකරු ලෙස චමින්ද වාස් සම්බන්ධ කර ගනිමින්, ඩෙල්හි කැපිටල්ස් (DC) පිල තවත් ප්‍රකට හිටපු ක්‍රිකට් ක්‍රීඩකයෙකු සිය පුහුණු කාර්ය මණ්ඩලයට එක් කර ගෙන ඇත. සැප්තැම්බර් 14 වැනිදා Cricinfo වාර්තා කළ මෙම පුවත පළ වන්නේ සෞරව් ගංගුලි ප්‍රධාන පුහුණුකරු ලෙසත්, යුවරාජ් සිං සහකාර හා පිතිකරණ පුහුණුකරු ලෙසත් පත් කිරීමෙන් ඉතා කෙටි කලකට පසුවය.

“මම පන්දු යවන්නන්ට ලොකු නිදහසක් දෙනවා,” සෙනසුරාදා DC පිල නිකුත් කළ වීඩියෝවකදී වාස් පැවසීය. “වේග පන්දු යවන්නෙක් විදිහට - මම අවුරුදු ගොඩක් ක්‍රීඩා කළා - මම හැමදාම විශ්වාස කරනවා පන්දු යවන්නෝ තමන්ගේම සැලසුම් එක්ක එන්න ඕනේ කියලා. ඒවා ඔවුන් දන්නේ නැත්නම්, ඔවුන්ට උදව් කරන්න, මගේ අත්දැකීම් දෙන්න මම ඉන්නවා, ඒ වගේම... ක්ෂේත්‍ර සැකසුම් ගැනත්.

“නමුත් මම හැමදාම විශ්වාස කරනවා පන්දු යවන්නෙක් තමන්ගේ ශක්තිය දැනගෙන ඉන්න ඕනේ කියලා; තමන්ගේ ක්ෂේත්‍ර සැකසුම් ගැනත් දැනගෙන ඉන්න ඕනේ. ඒ සියල්ල ඔවුන් දන්නවා නම්, පුහුණුකරුවෙක් විදිහට අපට කරන්න තියෙන්නේ ඔවුන්ව ඊළඟ තලයට ගෙනියන්න මඟ පෙන්වන එකයි.”

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

ජාත්‍යන්තර ක්‍රිකට් ක්ෂේත්‍රයේ පුහුණු කිරීමේ පුළුල් අත්දැකීම් තිබුණද, වාස්ගේ මංගල IPL පුහුණු අත්දැකීම මෙය වේ.

2012-15, 2016-17 හා 2021දී කෙටි කලකට - වැටුප් ගැටලුවක් හේතුවෙන් ධුරයට පැමිණ දෙදිනකින් ඔහු ඉල්ලා අස් විය - සහ 2022දී ලෙස ශ්‍රී ලංකා පිරිමි පිල සමඟ ඔහු කිහිප වාරයක්ම කටයුතු කර ඇත. ඔහු සිය පුහුණු දිවිය ඇරඹුවේ නවසීලන්ත පිරිමි පිලේ උපදේශකයෙකු ලෙස වන අතර, 2016 ලෝක T20 තරගාවලියේදී අයර්ලන්තය සමඟද කටයුතු කළේය.

IPL තරගාවලියේ පළමු කන්ද තුන තුළ දැන් නැති වී ගොස් ඇති ඩෙකෑන් චාජර්ස් පිල නියෝජනය කළ වාස්, වේග පන්දු යැවීමේ උපදේශකයෙකු හා ඇකඩමි උපදේශකයෙකු ලෙස ශ්‍රී ලංකා ක්‍රිකට් ආයතනය සමඟ වසර ගණනාවක් කටයුතු කර ඇති අතර, 2024 Zim Afro T10 ලීගයේදී NYS ලාගොස් පිලද පුහුණු කළේය. LPL 2026දී ඔහු කැන්ඩි රෝයල්ස් පිලේ ප්‍රධාන පුහුණුකරු විය.

දඟ පන්දු යැවීමේ පුහුණුකරු ලෙස DC පිලට එක් වීමට නියමිත අමිත් මිශ්‍රා මෙන්ම වාස්ද, දැනටමත් ඩෙල්හියේ රැඳී සිට එම කණ්ඩායමේ ඇකඩමි ක්‍රීඩකයන් සමඟ කටයුතු කර ඇති බව වාර්තා වේ.

මෑතකදී DC පිල වම්අත් වේග පන්දු යවන්නා වන ටී නටරාජන් සන්රයිසර්ස් හයිද්‍රාබාද් (SRH) පිලට හුවමාරු කර දෙමින් ලෙග් ස්පින් පන්දු යවන්නා වන සීෂාන් අන්සාරි සිය පිලට එක් කර ගත්තේය. ඊට පෙර කුල්දීප් යාදව් ලක්නව් සුපර් ජයන්ට්ස් (LSG) පිලට හුවමාරු කර දෙමින් රිෂබ් පන්ත් සිය පිලට ලබා ගත්තේය.

ජූනි මාසයේදී Cricinfo වාර්තා කළ පරිදි, කිසිදා IPL ශූරතාව දිනා නොගත්, 2026දී හයවැනි ස්ථානයට පත් වූ DC පිල, පසුගිය කන්ද දෙක තුළ සිටි පුහුණු කාර්ය මණ්ඩලය - වේනුගෝපාල් රාඕ (කණ්ඩායම් අධ්‍යක්ෂ), හේමන්ග් බදානි (ප්‍රධාන පුහුණුකරු), මුනාෆ් පටෙල් (පන්දු යැවීමේ පුහුණුකරු) හා ඉයන් බෙල් (සහකාර පුහුණුකරු) - වෙනස් කරනු ඇතැයි අපේක්ෂා කෙරිණි.

IPL 2024න් පසු DC පිලේ හවුල් හිමිකරුවන් වන GMR ස්පෝර්ට්ස් ඉන්දියා ප්‍රයිවට් ලිමිටඩ් හා ජින්දාල් සවුත් වෙස්ට් (JSW) ස්පෝර්ට්ස් අතර ඇති කර ගත් එකඟතාවට අනුකූලව මෙම වෙනස සිදු වේ. එම එකඟතාව වන්නේ එක් එක් හිමිකරු වසර දෙකේ චක්‍ර වශයෙන් වාරානුකූලව කණ්ඩායමේ මෙහෙයුම් පාලනය කිරීමයි.