අතපත්තුගේ වාර්තාගත පන්දු යැවීම සහ නිලක්ෂිකාගේ අර්ධ ශතකය ශ්‍රී ලංකාවට දැවැන්ත ජයක් ගෙනෙයි

අද (2nd September) ඩුබායිහි පැවති 2026 කාන්තා T20 ආසියානු කුසලාන තරගාවලියේ හයවැනි තරගයේදී ශ්‍රී ලංකාව ඉන්දුනීසියාවට එරෙහිව පහසු ජයක් වාර්තා කළේය.

කාසියේ වාසිය දිනාගත් ඉන්දුනීසියාව පළමුව පන්දු යැවීමට තීරණය කරමින් ශ්‍රී ලංකාවට ඉලක්කයක් ලබාදීමට ආරාධනා කළේය. ශ්‍රී ලංකාව සිය ක්‍රීඩා කරන XIහි එක් වෙනසක් සිදුකරමින් මිහාලි අයෝධ්‍යා වෙනුවට කාව්‍යා කාවින්දි කැඳවා තිබුණි.

අත්දැකීම් අඩු ඉන්දුනීසියානු පන්දු යැවීම හමුවේ ඉදිරිපෙළ පිතිකාරිනියන්ට සැලකිය යුතු දායකත්වයක් ලබාදීමට නොහැකි වීමෙන් ශ්‍රී ලංකාවට පිතිකරණයේදී දුෂ්කර තත්ත්වයකට මුහුණ දීමට සිදුවිය. එහෙත් බිඳ වැටීම මධ්‍යයේ නොසැලී සිටි අංක 6 පිතිකාරිනී නිලක්ෂිකා සිල්වා තීරණාත්මක අර්ධ ශතකයක් රැස් කරමින් ශ්‍රී ලංකා ඉනිම ගොඩගෙන, නියමිත පන්දුවාර 20 තුළ ඔවුන් 124/7ක් දක්වා රැගෙන ගියාය.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ

සිල්වා ශ්‍රී ලංකා ඉනිම අසීරු තත්ත්වයක තිබියදී එය ස්ථාවර කරමින් පන්දු 35කින් හතරේ පහර තුනක් සහ හයේ පහරක් ඇතුළත් සටන්කාමී ලකුණු 50ක් ලබා වැඩිම ලකුණුලාභිනිය වූවාය.

ඉන්දුනීසියාව වෙනුවෙන් කැපී පෙනුණු පන්දු යවන්නිය වූ නි ලුහ් දේවි ලකුණු 32කට කඩුලු තුනක් දවා ගත්තාය.

ශ්‍රී ලංකා පන්දු යවන්නියන් ඉන්දුනීසියානු පිතිකරණ පෙළ සුණු විසුණු කරමින් ඔවුන් ලකුණු 49කට දවාගත් බැවින් එම හඹා යෑම කිසිවිටෙකත් සාර්ථක නොවීය. ඒ අනුව ශ්‍රී ලංකාව ලකුණු 75ක විශිෂ්ට ජයක් තහවුරු කළේය.

තරගයේ විශිෂ්ටතම ක්‍රීඩිකාව වූ නායිකා චමරි අතපත්තු, පිතිකරණයේ අසාර්ථකත්වයට ප්‍රතිචාර දක්වමින් පන්දුවෙන් විස්මිත දස්කමක් දැක්වූවාය.

අතපත්තු පන්දුවාර 3.3කින් 7/5ක විශිෂ්ට පන්දු යැවීමක් වාර්තා කරමින් ශ්‍රී ලංකා කාන්තා T20I ක්‍රිකට් ඉතිහාසයේ හොඳම පන්දු යැවීමේ වාර්තාව පිහිටුවූවාය.

එය කාන්තා T20I තරගවලදී පූර්ණ සාමාජික රටක ක්‍රීඩිකාවක වාර්තා කළ හොඳම පන්දු යැවීම ද වේ.

අතපත්තු සිය ඓතිහාසික පන්දු යැවීමේ අවසන් පන්දු තුනෙන් කඩුලු තුනක් දවාගනිමින් කඩුලු ත්‍රිත්වයක් වාර්තා කර එය අතිවිශිෂ්ට ලෙස නිමා කළාය. මෙම දස්කමත් සමඟ කාන්තා T20I තරගයක කඩුලු ත්‍රිත්වයක් දවාගත් පළමු ශ්‍රී ලාංකික ක්‍රීඩිකාව බවට ඇය පත්වූවාය.

කෙටි ලකුණු සටහන

ශ්‍රී ලංකාව – 124/7 (20) නිලක්ෂිකා සිල්වා 50, නි ලුහ් දේවි 3/32

ඉන්දුනීසියාව – 49 (18.3) චමරි අතපත්තු 7/5

ප්‍රතිඵලය – ශ්‍රී ලංකාව ලකුණු 75කින් ජය ගත්තේය