පන්දුවාර අටේ තරගය ජයගනිමින් ඇමසන් වොරියර්ස් අවසන් මහා තරගයට

ගයානා ඇමසන් වොරියර්ස් 75 for 3 (බ්‍රිට්ස් 35*, කැම්බෙල් 22, හෙක්ටර් 1-6) බාබඩෝස් ට්‍රයිඩන්ට්ස් 69 for 4 (ග්‍රීන් 30, මැතිව්ස් 22, බර්න්ස් 1-11) පරදවයි

වත්මන් ශූරයන් වන බාබඩෝස් ට්‍රයිඩන්ට්ස් පිල තරගාවලියෙන් ඉවත් කළ ගයානා ඇමසන් වොරියර්ස්, බ්‍රහස්පතින්දා බාබඩෝස්හිදී ට්‍රින්බාගෝ නයිට් රයිඩර්ස් සමඟ අවසන් මහා තරගයේ ගැටුමකට මග විවර කර ගත්හ.

වර්ෂාව හේතුවෙන් අවසන් පූර්ව තරගය පන්දුවාර අටේ තරගයක් දක්වා කෙටි කෙරුණු අතර, පන්දුවාර අටකදී ට්‍රයිඩන්ට්ස් පිල 69 for 4කට ඇමසන් වොරියර්ස් සීමා කළහ. ෂබ්නිම් ඉස්මායිල් සහ ෂමීලියා කොනෙල් නැවත වරක් ඇමසන් වොරියර්ස් වෙනුවෙන් හොඳ ආරම්භයක් ලබා දුන් අතර, ෂෙනීටා ග්‍රිමන්ඩ් යැවූ තෙවැනි පන්දුවාරය අවසන් වන විට කියානා ජෝසෆ් පන්දු 12කින් ලකුණු 3ක් ලබා සිටියදී ඉවත් විය.

නායිකා හේලි මැතිව්ස් (පන්දු 14කින් 22) සහ ඔවුන්ගේ නවසීලන්ත ක්‍රීඩිකාව මැඩී ග්‍රීන් (පන්දු 16කින් 30) ට්‍රයිඩන්ට්ස් පිල ලකුණු 69 දක්වා ගෙන ගිය නමුත්, පන්දු 4ක් ඉතිරිව තිබියදී ඉලක්කය හඹා ගිය ඇමසන් වොරියර්ස් පිලට අභියෝග කිරීමට එය ප්‍රමාණවත් නොවීය.

ඉලක්කය හඹා යාමේ පළමු පන්දුවාරයේදීම එබොනි බ්‍රැත්වේට් ලකුණු 2කට දැවී ගියද, හතරේ පහර තුනක් හා හයේ පහර දෙකක් සහිතව පන්දු 23කින් නොදැවී ලකුණු 35ක් රැස් කළ ටැස්මින් බ්‍රිට්ස් ඇමසන් වොරියර්ස් ඉනිම ස්ථාවර කළාය. හිටපු නායිකා ෂෙමේන් කැම්බෙල් පන්දු 12කින් ලකුණු 22ක් එක් කළ අතර, වැඩි බාධාවකින් තොරව ඇමසන් වොරියර්ස් සිය කාර්යය සම්පූර්ණ කළහ.

Sportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේSportway.lk:පිළිගැනීමේ ප්‍රසාද මුදලRs. 10,000 දක්වා ලබාගන්න!තැන්පතුවට 50% ප්‍රසාද මුදලක් භුක්ති විඳින්නප්‍රසාද මුදල ලබාගන්න* නියමයන් සහ කොන්දේසි අදාළ වේ